मुआब्जा नपाएपछि स्थानीयवासीद्वारा अरुण तेस्रोको प्रवेश मार्ग बन्द
<p>खाँदबारी। ९०० मेगावाट क्षमताको अरुण तेस्रोे आयोजनाको करीब ३० प्रतिशत काम सकिँदासम्म मुआब्जा नपाएपछि स्थानीयवासीले प्रवेश मार्ग बन्द गराएका छन्। </p>
<p>छ्याङ्कुटीबाट पावरहाउसस्थल दिदिङसम्मको मुआब्जा विवाद अहिलेसम्म मिलेको छैन। </p>
<p>संखुवासभा मकालु गाउँपालिका र चिचिला गाउँपालिकामा आयोजना निर्माणाधीन छ। </p>
<p>छ्याङ्कुटीबाट पावरहाउससम्मको २४ किलोमिटर सडकको केही खण्डमा स्थानीयवासीले मुआब्जा पाएका छैनन। </p>
<p>काम शुरू भएको तीन वर्षसम्म उचित मुआब्जा नपाएको स्थानीयवासीको गुनासो छ।</p>
<p>पहिले १५ मिटरको मुआब्जा दिएर आयोजनाले अहिले ३० मिटर अधिग्रहण गरेको संघर्र्ष समितिका अध्यक्ष हर्कसिंह राईले बताए। </p>
<p>स्थानीय बासिन्दा, निर्माणको जिम्मा पाएको भारतीय सतलज र स्थानीय प्रशासनसँग सहमति गरेर मुआब्जाको विवाद मिलाउने तयारी भइरहेको लगानी बोर्डले जनाएको छ। <br />
</p>
प्रतिक्रिया दिनुहोस्
.jpg)
