अफगान सेनाको कारबाहीमा २५ जना तालिबान लडाकूको मृत्यु
काबुल। अफगानिस्तानको सेनाले उत्तरी बाघलान प्रान्तमा गरेको सैन्य कारबाहीमा कम्तीमा २५ तालिबानी लडाकूको मृत्यु भएको छ। अफगानिस्तानको रक्षा मन्त्रालयअनुसार शुक्रबार रातिको घटनामा अन्य १२ जना लडाकू घाइते भएका छन्। लडाकू समूहका हातहतियार पनि बरामद गरिएको मन्त्रालयले जनाएको छ। घटनाबारे तालिबानबाट कुनै प्रतिक्रिया आएको छैन। आगामी ११ सेप्टेम्बरभित्रै अफगास्तिानबाट ३,५०० अमेरिकी सेना र करिब ७,००० नेटो फौज स्वदेश फर्कंदै छन्। (रासस/सिन्ह्वा)
प्रतिक्रिया दिनुहोस्
.jpg)
