मकवानपुरमा जीप दुर्घटना, तीन जनाको मृत्यु
<p>काठमाडौं। रौतहटको चपुरबाट काठमाडौंका लागि छुटेको टाटा सुमो जीप मकवानपुरमा दुर्घटना हुँदा तीन जनाको मृत्यु भएको छ। </p>
<p>ना १ ज ३४३३ नम्बरको जीप सिस्नेरी–काठमाडौं सडकखण्ड अन्तर्गत इन्द्रसरोवर गाउँपालिका–३ को उखरडाँडामा आज दिउँसो दुर्घटना हुँदा थप पाँच जना घाइते भएका छन्। </p>
<p>मृत्यु हुनेमा दुई पुरुष र एक महिला छन्। उनीहरूको सनाखत हुन नसकेको जिल्ला प्रहरी मकवानपुरका प्रवक्ता, प्रहरी निरीक्षक ललनप्रसाद कुर्मीले <em>देखापढी</em>लाई जानकारी दिए।</p>
<p>जीप सडकबाट ३०० मिटर तल खसेको थियो। घाइतेलाई उपचारका लागि काठमाडौं पुर्‍याइंदैछ। </p>
प्रतिक्रिया दिनुहोस्
.jpg)
