कांग्रेसको १४औं महाधिवेशन ७ फागुन २०७७ मा
<p>काठमाडौं। नेपाली कांग्रेसले १४औं महाधिवेशन ७–१० फागुन २०७७ मा गर्ने निर्णय गरेको छ।</p>
<p>आज बसेको केन्द्रीय कार्यसमितिको बैठकले महाधिवेशनको मिति तय गरेको हो। बैठकको निर्णय सार्वजनिक गर्दै कांग्रेस प्रवक्ता विश्वप्रकाश शर्माले भ्रातृ संगठन नेपाल तरुण दलको म्याद ६ महीना थप गर्ने पनि निर्णय गरिएको बताए।</p>
<p>केन्द्रीय समिति बैठकमा २८ बाट बढाएर ४१ विभाग गठन गर्ने सभापति शेरबहादुर देउवाको प्रस्ताव पनि पारित भएको छ। </p>
<p>यस्तै सभापति देउवाको कार्यकाल एक वर्ष थपिएको छ। देउवाको कार्यकाल यही फागुनमा सकिने भए पनि एक वर्ष कार्यकाल थप्ने बैठकले निर्णय गरेको छ।</p>
<p>बैठकमा वरिष्ठ नेता रामचन्द्र पौडेल पक्षका केन्द्रीय सदस्य भने उपस्थित थिएनन्।</p>
<p> </p>
प्रतिक्रिया दिनुहोस्
.jpg)
