.jpg)
.jpg)
शीतलहरले सतायो तराईलाई, काठमाडौंमा वर्षकै सबैभन्दा चिसो !
<p>काठमाडौं। काठमाडौं उपत्यकामा आज यो वर्षकै सबैभन्दा कम तापक्रम मापन गरिएको छ। मौसम पूर्वानुमान महाशाखाका अनुसार काठमाडौं उपत्यकाको न्यूनतम तापक्रम शून्य दशमलब ६ डिग्री सेल्सियस मापन गरिएको छ। </p>
<p>मौसम पूर्वानुमान महाशाखाका मौसमविद् विभूति पौडेलका अनुसार विहान पौने ६ बजेदेखि न्यूनतम तापक्रम स्थिर छ। देखापढीसँग कुरा गर्दै पौडेलले भनिन्, "हामीले विहान पौने ६ बजे र पौने ९ बजेको तापक्रम मापन गर्दा शून्य दशमलब ६ डिग्री सेल्सियस नै पायौं। तापक्रम घटबढ भएको छैन।"</p>
<p>अहिलेसम्मको रेकर्ड अनुसार डिसेम्बर महीनामा काठमाडौंमा सवैभन्दा कम तापक्रम माइनस २ डिग्री सेल्सियससम्म पुगेको छ। जुन सन् १९७८ जनवरीको हो।</p>
<p>काठमाडौं उपत्यकामा सन् १९७८ कै डिसेम्बरमा अहिलेसम्मकै सबैभन्दा चिसो भएको रेकर्ड छ। त्यो वर्ष काठमाडौंमा माइनस ३ दशमलब ८ डिग्रि सेल्सियस पुगेको थियो। </p>
<p><strong>कुहिरोको मारमा तराई</strong></p>
<p>आज तराईका भू-भागमा कुहिरो लागिरहेको छ। बाँकी भू-भागमा भने मौसम सामान्यतया सफा रहेको छ। मौसम पूर्वानुमान महाशाखाका अनुसार तीन दिनसम्म तराईबाहेक देशैभर मौसम सफा रहनेछ। १४ पुसमा पूर्वी पहाडी भू-भागमा दिउँसो आंशिक बदली हुनेछ। त्यस्तै सोही दिन पश्चिमी पहाडी भू-भागमा राति आंशिक बदली हुनेछ ।</p>
<p>कैलालीको धनगढीमा पनि आज यो वर्षकै सवैभन्दा चिसो छ। पश्चिमी वायुको प्रभावले देशभर चिसो बढ्ने क्रम सुरू भएसँगै धनगढीमा पनि चिसो बढेको हावापानी फिल्ड कार्यालय अत्तरियाले जनाएको छ। </p>
<p style="text-align:center"><img alt="" height="750" src="https://www.dekhapadhi.com/storage/photos/shares/कैलाली कुहिरो (4).jpg" width="1000" /></p>
<p>धनगढीमा विहानको न्यूनतम तापक्रम २ दशमलव ८ डिग्री सेल्सियस रहेको हावापानी कार्यालय अत्तरियाले जनाएको छ। कार्यालयले अहिलेसम्म सबैभन्दा न्यूनतम तापक्रम आज नै मापन गरिएको समेत जानकारी दिएको छ। </p>
<p>अत्याधिक चिसोका कारण दैनिक काममा समेत असर परेको छ। चिसो बढ्दै गएपछि कैलालीका विभिन्न स्थानमा नगरपालिका तथा गाउँपालिका, शसस्त्र प्रहरी र नेपाल प्रहरीले आगो बाल्ने व्यवस्था मिलाएका छन्।</p>
प्रतिक्रिया दिनुहोस्
.jpg)
