उज्यालो हेर्न आँखा चाहिने भन्दै कुलमानले गरे आँखा दान गर्ने घोषणा
<p>काठमाडौं। नेपाल विद्युत प्राधिकरणका कार्यकारी निर्देशक कुलमान घिसिङले मृत्युपश्चात आफ्नो आँखा दान गर्ने घोषणा गरेका छन् ।</p>
<p>आज तिलगंगा आँखा प्रतिष्ठानले मरणोपरान्त आँखाको नानी दान गर्नेहरुको स्मरणमा आयोजना गरेको सामुहिक श्रद्धाञ्जलि सभामा घिसिङले आँखा दान गर्ने घोषणा गरेका हुन् ।</p>
<p>कार्यक्रमलाई सम्बोधन गर्दै घिसिङले आँखा नहुँदा उज्यालोको महत्व नहुने भएकाले अरू कसैले उज्यालो देख्न पाओस भन्ने उद्देश्यले मृत्युपश्चात आँखा दान गर्न आफू तयार भएको उनले बताए ।</p>
<p>उनले भने, “बत्तीको उज्यालो आँखा भएन भने हेर्न सकिदैन । प्रकाशको उज्यालो हेर्न आँखा चाहिन्छ । यो पूण्य काममासहभागी हुन पाएकोमा खुशी छु ।”</p>
<p>नेपाल आँखा बैंकले हरेक वर्ष मरणोपरान्त आँखाको नानी दान गरि अमरत्व प्राप्त गर्ने व्यक्तिहरुको सम्झना र सम्मानमा तिनका परिवारहरुको उपस्थितिमा सामुहिक श्रद्धाञ्जलि–सभा आयोजना गर्दै आएको छ ।</p>
<p>प्रतिष्ठानका कार्यकारी निर्देशक प्रा.डा. सन्दुक रुइतले २५ वर्ष अगाडि एक जनाले दान गरेर शुरु गरिएको आँखा दान कार्यक्रममा अहिले हजारौको सहभागीता भएको बताए।</p>
<p>डा. रुइतले अरूलाई पनि आँखा दानमा सहभागी हुन अनुरोध गर्दै भने, “आँखा दान गर्ने भनेको आँखाको डल्लो झिक्ने होइन। बाहिरको नानी मात्र झिक्ने हो। मानिसको मृत्युपश्चात झिक्ने हो। यसले धार्मिक र सांस्कृतिक रुपमा कुनै अफ्ठ्यारो पार्दैन ।”</p>
प्रतिक्रिया दिनुहोस्
.jpg)
