राराका माछा किन मरे ?
<p>मुगु। असला माछा धमाधम मर्न थालेपछि राराताल दुर्गन्धित भएको छ। हिउँ खोलामा हुने माछाको उक्त प्रजाति रारातालमा मरेको यो पहिलो घटना हो।</p>
<p>मरेर तालको किनारदेखि बीच भागमा उत्रिएका माछालाई चराले टिपेर खान थालेका छन्। </p>
<p>विषादीका कारण माछा मरेको अनुमान छ। मरेका माछा खान रारा मध्यवर्ती बस्तीका बासिन्दा डराएका छन्। मरेका माछाले वरपरको वातावरण प्रदूषित भएको मुर्मा गाउँका बिर्खबहादुर रोकायाले बताए।</p>
<p>"एक सातादेखि तालमा माछा मरेर तैरिन थालेका छन्," उनले भने।</p>
<p>हिमपातले वनजंगलको विषादियुक्त जडीबुटी बगेर तालमा आउँदा माछा मरेको हुन सक्ने रारा राष्ट्रिय निकुञ्ज अधिकृत लालबहादुर भण्डारीले बताएको खबर <em>कान्तिपुर दैनिक</em>ले छापेको छ।</p>
प्रतिक्रिया दिनुहोस्
.jpg)
