खैराे हेराेइनसहित कैलालीमा तीनजना पक्राउ
<p>कैलाली। भारतबाट लागुऔषध खैरो हेरोइन नेपाल ल्याउँदै गरेको अवस्थामा एक भारतीय नागरिक र दुई नेपाली पक्राउ परेका छन्। इलाका प्रहरी कार्यालय टीकापुरको गस्ती टोलीले जानकी गाउँपालिका-१, दुर्गौलीबाट तीनजनालाई पक्राउ गरेको हाे।</p>
<p>पक्राउ पर्नेमा भारतको लखिमपुर खिरी घर भएका सुनिल गुप्ता (४७), लम्की चुहा नगरपालिका-१ का राजु अवस्थी (३६) र सोही ठाउँकै असलम कुरेसी (२१) रहेको जिल्ला प्रहरी कार्यालय कैलालीका प्रहरी निरीक्षक प्रकाश कार्कीले जानकारी दिए। पक्राउ परेकाहरूबाट २० ग्राम ३२० मिलीग्राम खैरो हेरोइन बरामद् भएकाे कार्कीकाे भनाइ छ।</p>
<p>प्रहरीले उनीहरूबाट युपी ३१के८९७२ नम्बरको भारतीय मोटरसाइकल र अस्थायी नम्बर प्लेट स्टेट २–०३–लम्की–००५ प ७७२६ भएको मोटरसाइकलसमेत बरामद् गरेको छ।</p>
प्रतिक्रिया दिनुहोस्
.jpg)
