तनहुँमा लागूऔषधसहित तीन जना पक्राउ
<p>काठमाडौं। प्रहरीले प्रतिबन्धित लागूऔषधसहित तनहुँमा तीन जनालाई पक्राउ गरेको छ। </p>
<p>तनहुँको आँबुखैरेनी गाउँपालिका–३, ठाडो लाइनस्थित कुम्भबहादुर थापाको घरमा डेरा गरी बस्ने उमेश खड्कासहित तीन जना पक्राउ परेका हुन्।</p>
<p>इलाका प्रहरी कार्यालय आँबुखैरेनीका प्रमुख, प्रहरी निरीक्षक बुद्धिप्रसाद सुवेदीको नेतृत्वको टोलीले आँबुखैरेनी–३ का, २२ वर्षीय उमेश खड्का, २६ वर्षीय उत्सव खड्का र पालुङटार नगरपालिका–८, गोरखाका २२ वर्षीय जनक श्रेष्ठलाई पक्राउ गरेको हो।</p>
<p style="text-align:center"><img alt="" height="632" src="https://www.dekhapadhi.com/storage/photos/shares/Crime/mobile-baramad.jpg" width="960" /></p>
<p>उनीहरूको साथबाट डाइजेपाम १४ सिसि, फेनारगन १४ सिसि, नूफिन १४ सिसि, ट्रमा लेखेको ट्याब्लेट एक हजार ५३५ थान र डी–कप लेखेको ट्याब्लेट एक हजार ६७२ थान बरामद गरिएको इन्स्पेक्टर सुवेदीले बताए।</p>
<p>३२ हजार ७५० रूपैयाँ नगद र चार थान मोबाइल समेत बरादम भएको सुवेदीले बताए। उनका अनुसार घटनाका विषयमा थप अनुसन्धान भइरहेको छ। </p>
<p><br />
</p>
प्रतिक्रिया दिनुहोस्
.jpg)
