‘कक्षा ९–१० मा ऐच्छिक गणित हटाइएको छैन’
<p>काठमाडौं। कक्षा ९ र १० को ऐच्छिक विषयको नयाँ पाठ्यक्रम तय भएको छ।</p>
<p>पाठ्यक्रम विकास केन्द्रले शैक्षिक सत्र २०७७ का लागि कक्षा ९ र १० का केही ऐच्छिक विषयको पाठ्यक्रम परिवर्तन गरेको हो। विद्यालय तहमा परिवर्तित र समसामयिक सन्दर्भसमेतका आधारमा केन्द्रले पाठ्यक्रम परिवर्तन गरेको हो। </p>
<p>नयाँ पाठ्यक्रम सार्वजनिक भएसँगै यसबारे विभिन्न टिकाटिप्पणी भइरहेका छन्। केन्द्रले सार्वजनिक गरेको सूचनाबारे जानकारी नहुँदा यस्तो टिकाटिप्पणी भइरहेको केन्द्र बताउँछ। सूचनामा कक्षा ९ र १० मा ऐच्छिक विषयमा ऐच्छिक गणित विषय देखिएको छैन। जसले गर्दा ऐच्छिक गणितलाई किन हटाइयो भन्दै टिकाटिप्पणी भइरहेका बेला केन्द्रले यसबारे स्पष्ट हुन्छ।<br />
</p>
<p style="text-align:center"><img alt="" height="1320" src="https://www.dekhapadhi.com/storage/photos/shares/Education/curriculum.jpg" width="960" /></p>
<p>केन्द्रले गत वर्ष नै ऐच्छिक गणित विषयको पाठ्यक्रम परिमार्जन भएर देशभर पढाइ भएरहेको केन्द्रका सूचना अधिकारी गणेश प्रसाद भट्टराईले जानकारी दिए।</p>
<p>“यो विवादमा ल्याउनुपर्ने विषय नै होइन। केन्द्रले गत वर्षदेखि ऐच्छिक गणितको पाठ्यक्रम परिमार्जन गरिसकेको थियो। अहिले देशभर नै नयाँ पाठ्यक्रम अनुसार ऐच्छिक गणितको पढाइ भएरहेको छ” उनले <em>देखापढी</em>सँग भने। </p>
<p>गत वर्ष नै सूचनामा प्रकाशित गरिसकिएका विषयहरूबारे यो वर्षपनि जानकारी गराइराख्नुनपर्ने उनको भनाइ छ। गत वर्षको सूचनामा ऐच्छिक गणित, ऐच्छिक विज्ञान र अर्थशास्त्र गरी तीन विषयको पाठ्यक्रम परिमार्जन गरिसकिएको सूचना अधिकारी भट्टराईले जानकारी दिए। </p>
<p>शिक्षालाई व्यवहारिक तथा जीवनउपयोगी बनाउन केन्द्रले हरेक पाँच/पाँच वर्षमा कक्षा १२ सम्मको पाठ्यक्रम परिमार्जन गर्दै आएको छ। नेपालमा विद्यालय तहमा ६५ वटा ऐच्छिक विषयहरू पठनपाठन भइरहेको केन्द्रले जनाएको छ। जसमा प्रत्येक पाँच/पाँच वर्षमा पाठ्यक्रम परिवर्तन हुने गरेको उनको भनाइ छ। </p>
प्रतिक्रिया दिनुहोस्
.jpg)
