कपिलवस्तु र नवलपुरका दुई वडा कार्यालयमा आगजनी
<p>काठमाडौं। कपिलवस्तु र नवलपुरको २ वटा वडा कार्यालयमा आगजनी गरिएको छ। </p>
<p>गएराति कपिलवस्तुको यशोधरा गाउँपालिका-३, बसन्तपुर वडा कार्यालयमा आगजनी गरिएको हो। </p>
<p>वडाअध्यक्ष सरिता त्रिपाठीका अनुसार आगजनीबाट अध्यक्षको कार्यकक्ष पुरै जलेको छ।</p>
<p>कार्यालयमा रहेको फर्निचर, कम्प्युटर र दराजमा राखिएको ३५ हजार नगद जलेर नष्‍ट भएको अध्यक्ष त्रिपाठीले जानकारी दिइन्। </p>
<p>त्यस्तै नवलपरासीपूर्व नवलपुरको कावासोती नगरपालिका- १४ को वडा कार्यालयमा पनि आगजनी गरिएको छ। </p>
<p>नवलपुरका प्रहरी प्रवक्ता डीएसपी मोहन खाँडका अनुसार घटनास्थलतर्फ प्रहरी परिचालन गरिएको छ। </p>
<p>"हामीले प्रहरी टोली त्यसतर्फ पठाएका छौं, विस्तृत विवरण आउन बाँकी छ", उनले भने। </p>
<p>दुवै वडा कार्यालमा आगजनी गर्नेको पहिचान भइनसकेको प्रहरीले जनाएको छ। </p>
प्रतिक्रिया दिनुहोस्
.jpg)
