भीम रावललाई सञ्चारमन्त्रीको कटाक्षः ‘छाउपडी हटाउन नसक्ने अनि ठूला कुरा गर्ने’
<p>कैलाली। सञ्चार तथा सूचना प्रविधिमन्त्री गोकुल बाँस्कोटाले नेकपा नेता भीम रावललाई कटाक्ष गरेका छन्। बाँस्कोटाले रावलप्रति लक्षित गर्दै ‘आफ्नो जिल्लामा छाउपडी प्रथा हटाउन नसक्ने अनि ठूला कुरा गर्ने’ भन्दै व्यंग्य गरेका हुन्।</p>
<p>“हामी छाउपडी प्रथा हटाउन छलफल गर्न तयार छौं भन्दा उहाँ आउन मान्नुहुन्न”, बाँस्कोटाले भने।</p>
<p>प्रेस क्लब नेपाल र रेडियो सुदूर सन्देशले आज सुदूरपश्चिम प्रदेशको विकास र समृद्धिमा मिडियाको भूमिका विषयक गोष्ठी गरेको हो। गोष्ठीमा बाँस्कोटाले मिडियाले यथार्थ कुरा मात्र लेख्नुपर्ने बताए। “सञ्चारमाध्यमले सहीलाई सही र झुटोलाई झुटो भन्न सक्नुपर्छ”, उनले भने।</p>
<p>साथै उनले श्रमजीवी पत्रकार ऐन कार्यान्वयनमा पनि सञ्चारमाध्यम जिम्मेवार बन्न सुझाव दिए।</p>
प्रतिक्रिया दिनुहोस्
.jpg)
