जमिन फिर्ता गराउन भारतसँग फेरि ताकेता गर्दै सरकार
<p>काठमाडौं। सरकारले कालापानी, लिपुलेक र लिम्पियाधुरा क्षेत्र अतिक्रमणका विषयमा वार्ताका लागि भारतलाई दोस्रो पटक पत्राचार गर्ने भएको छ। </p>
<p>माघभित्रै परराष्ट्रसचिवस्तरीय वार्ताको लागि प्रस्तावको तयारी भएको हो।</p>
<p>साउन २०७१ मा गर्ने भनिएको सचिवस्तरीय वार्ता अझै भएको छैन। </p>
<p>भारतले नयाँ राजनीतिक नक्सा सार्वजनिक गरेपछि कात्तिक अन्तिममा सीमा अवलोकन टोली बनाएर स्थलगत रिपोर्ट र नापी विभागको नयाँ नक्सासहित नेपालले परराष्ट्रसचिवस्तरीय वार्ताका लागि तयारी गरेको थियो। सुस्ताबाहेक स्थलगत अवलोकन भएको छैन। </p>
<p>स्थलगत रिपोर्टसँगै नयाँ नक्सासहित माघमा वार्ता गर्ने परराष्ट्रको तयारी रहेको आजको अन्नपूर्ण पोष्टमा समाचार छ।</p>
<p>भारतले तिथि अस्वीकार गर्दै वार्ताबार्ट समाधान गर्ने पत्र पठाएको थियो। </p>
<p>“भारतको जवाफपछि हामी अर्को तिथिको गृहकार्यमा छौं”, परराष्ट्रमन्त्री प्रदीप ज्ञवालीले १४ पुसमा मन्त्रालयमा आयोजित कार्यक्रममा भने, “सीमा समस्या समाधान गरी हाम्रो भूभाग फिर्ता ल्याउनै पर्छ।”</p>
<p>उनले भने, “सीमाको विषय इतिहासले हामीलाई बोकाइदिएको जिम्मेवारी हो, थाती रहेको विषय हो।”</p>
प्रतिक्रिया दिनुहोस्
.jpg)
