‘पदीय शक्तिका कारण सहमतिका यौनसम्बन्ध पनि अपराध'
<p>काठमाडौं। एक सैनिक अधिकृतले आफ्नै कार्यालयमा काम गर्ने कुचिकार महिलालाई जबर्जस्ती करणी गरेपछि जागिर गुमाउनुपरेको छ। </p>
<p>सर्वोच्च अदालतले पदीय शक्तिका कारण यौनसम्बन्ध सहमतिमै भए पनि अपराध ठहर्ने निक्र्योलसँगै ती अधिकृतलाई जागिरबाट हटाइनुपर्ने फैसला गरेको छ। </p>
<p>न्यायाधीशद्वय सपना मल्ल प्रधान र पुरुषोत्तम भण्डारीको संयुक्त इजलासले यसअघि समरी जनरल सैनिक अदालतले गरेको फैसला सदर गर्दै अधिकृतलाई सेवाबाट हटाउने ठहर गरेको आजको नागरिक दैनिकमा समाचार छ। </p>
<p>नेपाली सेनामा कार्यरत सहसेनाती भूपेन्द्र खड्काले आफ्नो कार्यालयमा काम गर्ने कूचिकार एक महिलासँग यौनसम्बन्ध राखेका थिए।</p>
<p>सर्वोच्चले पुरुष ठूलो पदमा र महिला सानो पदीय ओहोदामा रहेकाले सहमतिमै भए पनि यसलाई यौन शोषण मानेको छ।</p>
<p>यस्तो खालको यौनसम्बन्धलाई जानेर, बुझेर दिइएको सहमति मान्न नसकिने सर्वोच्चले नजिर प्रतिपादन गरेको छ। </p>
<p>‘यस्तो सम्बन्धलाई यौन शोषणकै एउटा प्रकृतिका रूपमा हेरिनुपर्छ’, सर्वोच्चले भनेको छ। </p>
प्रतिक्रिया दिनुहोस्
.jpg)
