आज तमु ल्होसार मनाईँदै
<p>काठमाडौं। आज ‘तमु ल्होसार’। गुरुङ समुदायले पुरानो वर्ष बिदाइ गरी नयाँ वर्षलाई स्वागत गर्दै यो पर्व धूमधामसँग मनाउँदै छन्। </p>
<p>‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको गुरुङ समुदायको विश्वास छ।</p>
<p>यसवर्ष १४ पुस राति १२ बजे मृग वर्षलाई बिदाइ गरी मुसा वर्षलाई स्वागत गरिएको तमुल्होसार मूलआयोजक समितिका अध्यक्ष टेकबहादुर गुरुङले बताए।<br />
<br />
परापूर्वकालमा गुरुङ समुदायले वर्षलाई गन्न १२ जनावरको नामबाट नयाँ वर्षको नामाकरण गरेका हुन्। </p>
<p>मुसापछि गाई, बाघ, बिरालो, सुगा, सर्प, घोडा, भेडा, बाँदर, चरा, कुकुर र मृग गरी १२ जनावरका नामबाट वर्षको नामाकरण गरिएको हो । </p>
<p>तमु ल्होसारका अवसरमा टुँडिखेलमा विशेष कार्यक्रम हुँदैछ। यसका लागि गुरुङ समुदाय दुई दिनअघिदेखि नै तयारीमा जुटेका छन्। </p>
<p>यस पर्वमा शिरबन्दी, मखमली चोली, घलेक्क, पटुकी, छिट्को गुन्यू र मजेत्रो लगाएर सजिन्छन्।</p>
<p>त्यस्तै पुरुषले टोपी, भोटोमाथि भाङ्ग्रो लगाई कछाड र पटुकी बाँधी समूह बनाएर घाटु, सोरठी, कौडा नाच्छन्। </p>
<p>आज खुसीसाथ सामूहिक भोज, सांस्कृतिक कार्यक्रम एवं नाचगान गरेर यो पर्व मनाइन्छ।</p>
प्रतिक्रिया दिनुहोस्
.jpg)
