नेपाल प्रवेश गर्दै पश्चिमी वायु, यो साता वर्षा र हिमपातको सम्भावना
<p>काठमाडौं। उच्च पहाडी र हिमाली भेगमा भारी हिमपात र पहाडी भेगमा वर्षा भइ चिसो बढ्ने भन्दै मौसम पूर्वानुमान महाशाखाले सचेत रहन अनुरोध गरेको छ। </p>
<p>जम्मू–कश्मीरमाथि रहेको पश्चिमी न्यूनचापीय प्रणाली पूर्व सर्ने क्रममा रहेको र यो प्रणाली आज रातिसम्ममा नेपालको पश्‍चिमी भेगबाट प्रवेश गर्ने महाशाखाको बुलेटिनमा उल्लेख छ। </p>
<p>यस प्रणालीका कारण आज नेपालका पश्‍चिमी उच्च पहाडी र हिमाली भूभागमा हल्का हिमपातको सम्भावना छ। </p>
<p>पश्‍चिमी वायुको प्रभाव १६ पुससम्म सशक्त रहने जल तथा मौसम विज्ञान विभागले जनाएको छ।</p>
<p>पश्‍चिमी न्यून चापीय वायु प्रणालीका कारण १५-१६ पुसमा देशैभर चिसो बढ्ने बताइएको छ। </p>
प्रतिक्रिया दिनुहोस्
.jpg)
