ट्याक्टरले किचेर अर्काे ट्याक्टरका चालकको मृत्यु
<p>तनहुँ। तनहुँको व्यास नगरपालिका–१ गल्वुबेसीमा ट्याक्टर चालक मृत फेला परेका छन्।</p>
<p>म्याग्दे गाउँपालिका–१ गुणादीका २६ वर्षीय सुशील परियार आज बिहान मृतावस्थामा फेला परेका जिल्ला प्रहरी कार्यालयका प्रवक्ता लीलाराज लामिछानेले जानकारी दिए। परियार छाब्दी वाराही कन्स्ट्रक्शन प्रालिको ग१त २३८२ नम्बरको ट्याक्टरका चालक रहेको जनाइएको छ।</p>
<p>ना६त ६८७२ नम्बरको ट्याक्टर बसपार्कमा रगताम्मे अवस्थामा भेटिएकाले परियारलाई सोही ट्याक्टरले किचेको हुन सक्ने प्रहरीको अनुमान छ। उक्त ट्याक्टरका चालक फरार रहेकाले खोजी भइरहेको प्रहरीले जनाएको छ।</p>
<p>“ट्याक्टरले किचेर मृत्यु भएपछि शवलाई त्यही छाडेर भागेको प्रारम्भिक अनुसन्धानबाट खुलेको छ,” प्रवक्ता लामिछानेले भन्नुभयो । <em>रासस</em></p>
प्रतिक्रिया दिनुहोस्
.jpg)
