राष्ट्रिय सभाका उम्मेद्वार छान्न कांग्रेसले केन्द्रीय समिति बैठक बोलायो
<p>काठमाडौं। नेपाली कांग्रेसले केन्द्रीय कार्यसमिति बैठक बोलाएको छ।</p>
<p>१७ पुस दिउँसो २ बजे बस्नेगरी केन्द्रीय समितिको बैठक आह्वान भएको कांग्रेस केन्द्रीय कार्यालयका मुख्यसचिव कृष्णप्रसाद पौडेलले <em>देखापढी</em>लाई जानकारी दिए। </p>
<p>बैठकमा ९ माघमा हुने राष्ट्रियसभा निर्वाचनको उम्मेद्‌वार चयनलगायतका विषयमा छलफल हुने पौडेलले बताए। </p>
<p>संस्थापन पक्षसँग अन्तुष्ट रहेको कांग्रेस वरिष्ठ नेता रामचन्द्र पौडेल समूहले भने बैठक वहिष्कार गर्ने चेतावनी दिएको छ। </p>
<p>सभापति शेरबहादुर देउवाले आफूहरूको वरिष्कारबीच महाधिवेशनलगायतको निर्णय गरेको भन्दै कांग्रेसमा पौडेल समूह असन्तुष्ट छ।</p>
<p>११ पुसमा बसेको केन्द्रीय समिति बैठकमा सभापति देउवाले अर्काे वर्ष <a href="https://www.dekhapadhi.com/news/4389" target="_blank"><span style="color:#c0392b">७-१० फागुनमा कांग्रेसको १४औं महाधिवेश</span></a> गर्ने निर्णय गराएका थिए।</p>
<p>जुन बैठकमा पौडेल समूहका केन्द्रीय सदस्यहरू उपस्थित थिएनन्।<br />
</p>
प्रतिक्रिया दिनुहोस्
.jpg)
