घुस लिएको आरोप लागेका दोलखाका तत्कालीन सीडीओ अख्तियारको नियन्त्रणमा
<p>काठमाडौं। अख्तियार दुरुपयोग अनुसन्धान आयोगले आफ्नो क्षेत्राधिकार भित्रका मुद्दाका अभियुक्त्तलाई धरौटीमा रिहा गर्न घुस लिएको आरोप लागेका उपसचिव खगेन्द्रप्रसाद रिजाललाई नियन्त्रणमा लिएको छ। </p>
<p>अख्तियारले आज विज्ञप्ति निकालेर सेवाग्राहीसँग घुस/रिसवत लिई भ्रष्टाचारजन्य कार्य गरेको सम्बन्धमा अनुसन्धान भइरहेको जनाएको छ। </p>
<p>‘अनुसन्धान भइरहेकोमा निजलाई नियन्त्रणमा लिई थप अनुसन्धान थालिएको छ,’ अख्तियारका प्रवक्ता प्रदीपकुमार कोइरालाले जारी गरेको विज्ञप्तिमा जनाइएको छ। </p>
<p>दाेलखाका तत्कालीन प्रजिअ रिजालले मेलुङ गाउँपालिका–४ भेड्पुका कुमार लामा मोक्तानसँग ९० हजार र कालिञ्चोक गाउँपालिका–१ का उदिम तामाङ र इन्द्रबहादुर तामाङबाट १८ मंरिसमा २१ हजार लिएको आरोप लागेको छ।</p>
<p>रिजालले घुस लिएको समाचार बाहिरिएपछि गृह मन्त्रालयले उनलाई २० मंसिरमा मन्त्रालय तानेको थियो।</p>
प्रतिक्रिया दिनुहोस्
.jpg)
