हत्या अभियोगमा बालकलाई जन्मकैदको फैसला
<p>सिन्धुली। सिन्धुली जिल्ला अदालतले हत्या अभियोगमा एक १५ वर्षीय बालकलाई जन्मकैदको फैसला सुनाएको छ। </p>
<p>मरिण गाउँपालिका-१ आहालेकी १३ वर्षीया छलिमाया मोक्तानको हत्यामा संलग्न ती बालकलाई अदालतले जन्मकैदको फैसला सुनाएको हो। </p>
<p>उनलाई जन्मकैद हुने र नाबालक देखिएकाले जन्मकैदको आधा १४ वर्ष १० महीना सात दिन कैद हुने फैसला अदालतले गरेको छ।</p>
<p>जिल्ला न्यायाधीश किरणप्रसाद सिवाकोटीको इजलासले उक्त फैसला गरेको हो। </p>
<p>यौनप्रस्ताव राख्दा अस्वीकार गरेपछि बालकले २ असोजमा ती १३ वर्षीय बालिकाको हत्या गरेका थिए। </p>
<p>हत्या आरोपमा बालकलाई ४ असोजमा प्रहरीले पक्राउ गरेको थियो। </p>
<p>१० असोजमा अदालतले पुर्पक्षका लागि बाल सुधारगृह सानोठिमी भक्तपुरमा राख्न आदेश दिएको थियो। </p>
<p>बालक १८ वर्ष पूरा नभएसम्म बाल सुधार गृहमै रहने र त्यसपछि कैद भुक्तानका लागि कारागार पठाइने छ। <em>रासस</em></p>
प्रतिक्रिया दिनुहोस्
.jpg)
