भारी हिमपात र वर्षाले रानीखर्कमा ५० वटा भेडाबाख्रा मरे
सिमकोट।हुम्लाको तल्लो क्षेत्रमा निरन्तरको वर्षा र उच्च स्थानमा हिमपातका कारण सिमकोट गाउँपालिका र नाम्खा गाउँपालिकाको सीमा क्षेत्रको पाटनमा ५० भेडाबाख्रा मरेका छन्।नाम्खाको रानीखर्क र सिमकोट–८ मा पर्ने रानीसैन क्षेत्रमा निरन्तरको हिमपात र वर्षामा कठ्याङ्ग्रिएर सिमकोट–८ का रोलबहादुर बुढाका ५० भेडाबाख्रा मरेका हुन्।वर्षाको समयमा उच्च हिमाली क्षेत्रमा चरनका लागि लगेका १५० भेडाबाख्रामध्ये ५० वटा हिउँमा परेर मरेको बुढाले जानकारी दिए।
प्रतिक्रिया दिनुहोस्
.jpg)
