.jpg)
सभामुख र राष्ट्रियसभा उम्मेद्वार टुंग्याउन नेकपा सचिवालय बैठक बस्दै
<p>काठमाडौं। नेपाल कम्युनिष्ट पार्टी (नेकपा) को सचिवालय बैठक आज बिहान आठ बजे बस्दैछ। </p>
<p>प्रधानमन्त्री निवास बालुवाटारमा बस्‍ने बैठकमा राष्ट्रियसभा निर्वाचनको उम्मेदवार र सभामुख पदको उम्मेदवार छनोटका विषयमा छलफल हुने नेकपाका प्रवक्ता नारायणकाजी श्रेष्‍ठले जानकारी दिए। </p>
<p>१७ पुसमा बसेको नेकपा सचिवालय बैठकमा पनि सभामुखको उम्मेद्‌वार र ९ माघमा हुने राष्ट्रिय सभा निर्वाचनका लागि उम्मेद्‌वार टुंग्याउने भनिएपनि कुनै निष्कर्ष आउन सकेन। </p>
<p>संसद सचिवालयकी कर्मचारीलाई बलात्कार प्रयास गरेको अभियोग लागेपछि तत्कालीन सभामुख कृष्णबहादुर महाराले १४ असोजमा राजीनामा दिएसँगै प्रतिनिधि सभा सभामुखविहीन छ।</p>
<p>तर, सत्तारूढ नेकपाले अहिलेसम्म सभामुखको उम्मेद्‌वार तय गर्न सकेको छैन। </p>
<p>सभामुखको तय नहुँदा प्रतिनिधि सभा बैठकसमेत प्रभावित भएको छ। </p>
प्रतिक्रिया दिनुहोस्
.jpg)
