लुम्बिनी आउन आफ्ना नागरिकलाई म्यान्माका पर्यटनमन्त्रीको आग्रह
<p>रुपन्देही। म्यान्माका पर्यटनमन्त्री अन मोङले आफ्नो जीवनकालमा एकपटक बुद्ध जन्मस्थल लुम्बिनी घुम्नका लागि म्यान्मा सरकारले आफ्नो देशका नागरिकलाई आग्रह गर्ने बताएका छन्। </p>
<p>लुम्बिनीको अवलोकन भ्रमणपछि उनले नेपाल भ्रमण वर्षका अवसरमा आफ्नो देशका ट्राभल एजेन्सीलाई लुम्बिनीको भ्रमण गराएर टुर प्याकेज तयार पार्न आग्रह गर्ने जानकारी गराए। </p>
<p>बुद्धको जन्मस्थल भएका कारण लुम्बिनी म्यान्माका नागरिकको आस्थाको केन्द्र भएको पर्यटनमन्त्री मोङको भनाइ छ। </p>
<p>नेपाल भ्रमण वर्ष शुभारम्भका अवसरमा काठमाडौँ आउनुभएका पर्र्यटनमन्त्री मोङसहित कम्बोडियाका पर्यटन मन्त्रालयका सल्लाहकार सेइल हुल, भुटानका पर्यटन परिषद्का महानिर्देशक दोर्जे ध्रधुलसहितको टोली १७ पुसमा लुम्बिनी आएका हुन्। </p>
<p>पर्यटनमन्त्री मोङसहितको टोलीलाई प्रदेश ५ सरकारका तर्फबाट उद्योग, पर्यटन, वन तथा वातावरणमन्त्री लीला गिरीले स्वागत गरे। <em>रासस</em></p>
<p><br />
</p>
प्रतिक्रिया दिनुहोस्
.jpg)
