भ्रमण वर्ष प्रवर्द्धन गर्न ‘भिजिट मधेश नेपाल-२०२०’
<p>काठमाडौं। 'नेपाल भ्रमण वर्ष- २०२०' लाई सफल बनाउन ‘भिजिट मधेश नेपाल-२०२०’ घोषणा गरिएको छ।</p>
<p>नेपाल आएका विदेशी पर्यटकलाई मधेश भ्रमण गराउने ध्येयले यो अभियान घोषणा गरिएको हो ।</p>
<p>भिजिट मधेश नेपालले २२ पुसमा पत्रकार सम्मेलनमा ‘भिजिट मधेश डटकम’ र भिजिट मधेश नामक मोबाइल एपको शुरुआत गरेको जनाएको छ।</p>
<p>तराई मधेशको फरक हावापानी, पर्यावरण, ऐतिहासिक, पुरातात्विक, धार्मिक एवं प्राकृतिक सम्पदा र धरोहरहरुले पर्यटकलाई झन् आकर्षित गर्न मद्दत गर्ने विश्वासस्वरुप अभियान थालिएको बताइएको छ।</p>
<p>तराई मधेशका २२ वटै जिल्लालाई जोड्ने गरी नागरिकस्तरबाट ‘भिजिट मधेश नेपाल’ अभियान दुई वर्षदेखि जारी रहेको छ।</p>
<p>भिजिट मधेश नेपालको विज्ञप्तिमा भनिएको छ, 'तराई-मधेशका पर्यटकीय गन्तव्य, संस्कृति, खानपान, रहनसहन, वेषभूषा एवं विशेषतालाई विभिन्न किसिमको कार्यक्रम सञ्चालन गरी राष्ट्रिय र अन्तर्राष्ट्रियस्तरमा प्रवद्र्धन एवं चिनाउँदै अगाडि बढिरहेको छ।' <em>रासस</em></p>
प्रतिक्रिया दिनुहोस्
.jpg)
