भारतद्वारा पाम आयल आयातमा रोक
<p>काठमाडौं। भारतले पाम तेल (पाम आयल) आयातमा प्रतिबन्ध लगाएको छ।</p>
<p>पाम आयल नेपालको प्रमुख निकासी वस्तु हो। यसको सबै हिस्सा भारतमा निकासी हुँदै आएको छ।</p>
<p>भारतको वैदेशिक व्यापार महानिर्देशनालयले २३ पुसमा वैदेशिक व्यापार नीतिमा भएको संशोधनका सम्बन्धमा सूचित गरेर पाम आयल आयातमा प्रतिबन्ध लगाएको हो।</p>
<p>चालु आर्थिक वर्षको पाँच महीना (साउन–मंसीर) मा नेपालले ११ अर्ब ५५ करोड रूपैयाँको पाम आयल भारत निकासी गरेको भन्सार विभागले जनाएको छ।</p>
<p>क्रूल निर्यातमा पाम आयलको हिस्सा २४ दशमलब २५ प्रतिशत थियो। पाम आयले निकासी गत आर्थिक वर्षको सोही अवधिमा एक अर्ब ३५ करोड रूपैयाँ थियो।</p>
<p>नेपालका लागि यो ‘नट बोल्ट’ प्रविधिमा आधारित उद्योग हो। इन्डोनेसियाबाट कच्चा पाम आयल ल्याएर सामान्य प्रशोधनपछि भारतमा निकासी हुने गरेको आजको अन्‍नपूर्ण पोष्टमा समाचार छापिएको छ।</p>
<p>भारतीय आयातकर्ताले पाम आयल उत्पादन हुने इन्डोनेसिया या मलेसिया जस्ता देशबाट आयात गर्दा ४० प्रतिशत भन्सार महसुल तोकिएको थियो। नेपालले भारतमा निकासी गर्दा भन्सार लाग्दैन।</p>
प्रतिक्रिया दिनुहोस्
.jpg)
