कस्तूरी पाल्नुस्, बिना बेच्नुस् !
<p>दोलखा। बिना बेच्नका लागि अब कस्तूरी पाल्न पाइने भएको छ।</p>
<p>बिनाका लागि सिकार भइरहेका बेला अब संरक्षित जंगली जनावर कस्तुरीलाई नै पालेर त्यसबाट फाइदा लिन सकिन्छ।</p>
<p>कस्तूरी पाल्नका लागि गौरीशंकरण संरक्षण क्षेत्र आयोजनाले आव्हान गरेको छ।</p>
<p>आफ्नो संरक्षण क्षेत्रभित्र कस्तूरी पाल्न चाहनेलाई कस्तूरी नै उपलब्ध गराउने भएको छ।</p>
<p>कस्तूरी पाल्न चाहनेहरूका लागि अब आफ्नै क्षेत्रभित्र पाल्न दिने संरक्षण क्षेत्र आयोजना प्रमुख सत्यनारायण साहले बताए।</p>
<p>जंगली जनावर पालेरै त्यसबाटै राम्रो आम्दानी लिन चाहनेहरूले निश्चित मापदण्ड पूरा गरी आयोजना कार्यालयमा आउन उनले आव्हान गरेका छन्।</p>
<p>कस्तूरी पाल्न चाहिने न्यूनतम पूर्वाधार तयार गरी कार्यालयमा सम्पर्क गरे संरक्षण क्षेत्र भएकै कस्तूरी उपलब्ध गराउने आजको कारोबार दैनिकमा समाचार छ।</p>
<p>माऊ कस्तूरीबाट पाठापाठी जन्मिएपछि माऊ संरक्षण क्षेत्रलाई नै फिर्ता गर्नुपर्छ।</p>
<p>एउटा कस्तूरीले वर्षमा २० तोलासम्म बिना उत्पादन गर्छ। कस्तूरीको बिना अन्तर्राष्ट्रिय बजारमा लाखौं मूल्यमा बिक्री हुने भएकाले यसको चोरी तस्करी र सिकार हुने गरेको छ।</p>
<p>सरकारले कानून मार्फत नै जंगली पशुपन्छी पनि घरपालुवा जनावर जसरी नै पाल्न सकिने व्यवस्था गरेकाले संरक्षण क्षेत्रमा पनि कस्तूरी पाल्न दिने भएको हो।</p>
<p>त्यसैगरी जंगलमा पाइने कालिज, तित्रा जस्ता पन्छी पनि पाल्नका लागि दिइने संरक्षण क्षेत्र आयोजनाले जनाएको छ।</p>
प्रतिक्रिया दिनुहोस्
.jpg)
