अन्तरघात हटाउँदै एक हुने कांग्रेस नेताहरुको उद्घोष
<p>काठमाडौं। प्रमुख प्रतिपक्षी दल नेपाली कांग्रेसका नेताहरुले अघिल्लो चुनावमा अन्तरघातको कारण पार्टीले पराजय भोग्‍नुपरेको स्वीकारेका छन्। </p>
<p>दशैंको अवसरमा आज काठमाडौंमा आयोजना गरिएको एक कार्यक्रममा नेताहरुले अब कुनै राजनीतिक शक्तिले हराउन नसक्ने गरि सबै एकजुट भएर लाग्‍ने प्रतिबद्धता जनाए।</p>
<p>कार्यक्रममा बोल्दै पार्टी सभापति शेरबहादुर देउवाले अन्तरघातमुक्त पार्टी निर्माणमा लाग्‍न आफ्ना नेता, कार्यकर्तालाई आह्वान गरे। </p>
<p>आगामी निर्वाचनमा विजयी हुने गरी पार्टीको कामलाई अघि बढाउन सिंगो पार्टी पंक्तिले प्रतिज्ञा गर्नुपर्नेमा देउवाले जोड दिएका छन्।</p>
<p>सभापति देउवाले व्यापारीहरुलाई आजित बनाउने गरी कर बढाएको, दशैंमा जनताले सामान किन्न नसक्ने गरि बढेको महँगी नियन्त्रण गर्न नसकेको भन्दै सरकारको आलोचना गरे।</p>
<p>महामन्त्री डा. शशांक कोइरालाले आगामी निर्वाचनमा कम्युनिष्ट नेतृत्वलाई पराजित गर्ने गरि सबै एक भएर लाग्‍न कार्यकर्ताहरुलाई निर्देशन दिएका छन्। </p>
<p>नेता गगनकुमार थापाले सरकारले दुई तिहाईको बलमा न्यायालयलाई समेत तर्साउने काम गरिरहेको भन्दै विरोध गरे। </p>
प्रतिक्रिया दिनुहोस्
.jpg)
