गाउँपालिकाका कार्यालय सहायकले प्रमुख प्रशासकीय अधिकृतसँग मागे १५ लाख फिरौती
बारा। सुवर्ण गाउँपालिकाका प्रमुख प्रशासकीय अधिकृत नवीनकुमार श्रीवास्तवसँग १५ लाख रुपैयाँ फिरौती माग गरेको आरोपमा प्रहरीले एक जनालाई पक्राउ गरेको छ। पक्राउ पर्नेमा सोही गाउँपालिकामा करारमा काम गर्ने कार्यालय सहयोगी मुकेशप्रसाद यादव छन्। उनलाई बुधबार प्रहरीले पक्राउ गरेको हो। यादवले फिरौती रकम माग गरी एक घण्टाभित्र नदिएमा गोली प्रहार गरी हत्या गरिदिने धम्की दिएको प्रहरीले जनाएको छ।
प्रतिक्रिया दिनुहोस्
.jpg)
