.png)
नाम र राजधानी तोक्न प्रदेश ३ सभामा आज मतदान
<p>काठमाडौं। प्रदेश ३ को स्थायी राजधानी तथा नामको टुंगो लगाउन आज मतदान हुँदैछ।</p>
<p>प्रदेश ३ का सभामुख सानुकुमार श्रेष्ठले आज बिहान ९ बजेदेखि बस्ने बैठकबाट प्रदेशको स्थायी राजधानी र नामकरणको निर्णय मतदान प्रक्रियाबाट गरिने जानकारी दिए।</p>
<p>बैठकमा मुख्यमन्त्री डोरमणि पौडेलले प्रदेश ३ को राजधानी हेटौँडा राख्ने सम्बन्धमा प्रस्तुत प्रस्तावमाथि प्रदेशसभाका सदस्यले उठाएको जिज्ञासाको जवाफ दिने कार्यसूची छ।</p>
<p>उक्त प्रस्तावका प्रस्तावक मुख्यमन्त्री पौडेल र समर्थक प्रमुख प्रतिपक्षी नेपाली काँग्रेस संसदीय दलका नेता इन्द्रबहादुर बानियाँ छन्।</p>
<p>प्रदेश ३ को नाम वागमती र राजधानी हेटौंडा राख्न सहमत भएपछि मतदानको कार्यसूची तय गरिएको हो।</p>
<p>प्रदेशसभामा कूल ११० सदस्यमध्ये नेकपाका ८०, नेपाली काँग्रेसका २२, विवेकशील साझा पार्टीका तीन, नेपाल मजदूर पार्टीका दुई, राप्रपा संयुक्तको एक, राप्रपाको एक र एक जना स्वतन्त्र सांसद छन्। </p>
<p> </p>
प्रतिक्रिया दिनुहोस्
.jpg)
