Others

गृहपृष्ठ

प्रदेश-३ को राजधानी हेटौंडा राख्ने प्रस्ताव दुई तिहाइबाट स्वीकृत (भिडिओसहित) काठमाडौं। प्रदेश ३ को स्थायी राजधानी हेटौंडा कायम गर्ने प्रस्ताव पारित भएको छ। प्रदेश ३ को नाम वागमती र राजधानी हेटौंडा राख्&zwj;न प्रदेश सरकारले गरेको प्रस्तावमा प्रदेश सभामा भएको मतदानको क्रममा हेटौंडालाई राजधानी कायम गर्ने दुई तिहाइले पास गरेको हो। आजको मतदानमा १०८ सांसद उपस्थित थिए। प्रदेश ३ को राजधानी मकवानपुरको हेटौंडा भन्ने प्रस्तावको पक्षमा १०५ मत खसेको छ। विपक्षमा तीन मत खसेको छ। प्रदेश ३ का सभामुख सानुकुमार श्रेष्ठले राजधानी हेटौंडा कायम होस् भन्ने प्रस्तावको पक्षमा १०५ मत खसेकाले दुई तिहाई मतले पारित भएको घोषणा गरे। सत्तारुढ नेकपा सचिवालयको बैठकले प्रदेश ३ को नाम वागमति र राजधानी हेटौंडा राख्&zwj;न निर्देशन दिए अनुरुप नेकपा प्रदेश ३ संसदीय दलको बैठकले त्यसैलाई निर्णय गरेको थियो। प्रमुख प्रतिपक्षी नेपाली कांग्रेससँगै राप्रपा, राप्रपा संयुक्त र नेमकिपाले पनि समर्थन गरेका थिए। प्रदेशको नाम वागमती राख्न सहमत भएको विवेकशील साझा पार्टीले भने स्थायी राजधानी धुलिखेल प्रस्ताव गरेको थियो। प्रदेश ३ मा सत्तारुढ नेपाल कम्युनिष्ट पार्टी (नेकपा) एक्लैको दुई तिहाइभन्दा बढी मत छ। प्रदेशसभामा कूल ११० सदस्यमध्ये नेकपाका ८०, नेपाली काँग्रेसका २२, विवेकशील साझा पार्टीका तीन, नेपाल मजदूर पार्टीका दुई, राप्रपा संयुक्तको एक, राप्रपाको एक र एक जना स्वतन्त्र सांसद छन्।  <iframe frameborder="0" height="560" scrolling="no" src="https://www.youtube.com/embed/V6qZr-I3hcw" width="850"></iframe>