सभामुख चयन गर्न बोलाइएको प्रतिनिधि सभा बैठक 'विशेष कारणवश' स्थगित
<p>काठमाडौं। प्रतिनिधि सभाको आजको बैठक पुन: स्थगित भएको छ।</p>
<p>आजको बैठकमा सभामुख चयन प्रक्रिया शुरु गर्ने कार्यक्रम थियो।</p>
<p>संसद सचिवालयले सूचना टाँस गरेर आज एक बजेको लागि बैठक गरिएको बैठक विशेष कारणले स्थगित गरिएको जनाएको छ।</p>
<p>४ पुसबाट शुरु भएको प्रतिनिधिसभाको पाँचौ अधिवेशनअन्तर्गत बैठक स्थगित भएको यो तेस्रो पटक हो ।</p>
<p>यसअघि ११ र १६ पुसमा तोकिएको बैठक स्थगित भएको थियो।</p>
<p>संसदको अर्को बैठक ६ माघ दिउँसो एक बजेलाई निर्धारण गरिएको छ।</p>
<p><img alt="" height="960" src="https://www.dekhapadhi.com/storage/photos/shares/Politics/samsad suchana.jpg" width="828" /></p>
<p>तर, सत्तारुढ नेपाल कम्युनिष्‍ट पार्टी (नेकपा) ले सभामुखको उम्मेद्वारको नाम टुग्याइनसकेकाले संसद बैठक स्थगित हुँदै आएको छ।</p>
<p>सभामुखको निर्वाचन प्रक्रिया शुरु हुनुपूर्व नै राजीनामा दिएर बाटो खुलाउनुपर्ने नेकपा सचिवालय बैठकले २६ पुसमा दिएको निर्देशन अस्वीकार गर्दै उपसभामुख शिवमाया तुम्बाहाङफेले राजीनामा दिएकी छैनन्।</p>
<p> </p>
प्रतिक्रिया दिनुहोस्
.jpg)
