Others

गृहपृष्ठ

प्रदेश-३ को नाम बाग्मती र राजधानी हेटौंडा काठमाडौं। झण्डै दुई वर्षपछि प्रदेश-३ ले नाम र राजधानीको टुंगो लगाएको छ। आज बसेको प्रदेश सभा बैठकले नाम र राजधानीको टुंगो लगाएको हो। प्रदेश सभाले प्रदेशको नाम <a href="https://www.dekhapadhi.com/news/5130" target="_blank">बाग्मती राख्ने प्रस्ताव सर्वसम्मति</a>ले पारित गरेको छ भने राजधानी हेटौंडा राख्ने विषय दुई तिहाइले पारित गरेको हो।  ११० सदस्य रहेको प्रदेश सभामा मतदानमा १०८ सदस्य सहभागी भएका थिए। प्रदेशको नाम बाग्मती राख्ने विषयमा १०८ मतदान भएको प्रदेश-३ का सभामुख सानुकुमार श्रेष्ठले जानकारी दिए।  तर, राजधानी हेटौंडाका पक्षमा भने १०५ मत परेको थियो। राजधानी धुलिखेल राख्ने प्रस्तावमा एक स्वतन्त्रसहित तीन सांसदले मतदान गरेका थिए।  प्रदेश–३ का सभामुख श्रेष्ठले राजधानी हेटौंडा कायम होस् भन्ने प्रस्तावको पक्षमा १०५ मत खसेकाले <a href="https://www.dekhapadhi.com/news/5126" target="_blank">दुई तिहाइ मतले पारित भएको घोषणा</a> गरे। नेकपा, कांग्रेस, राप्रपा, राप्रपा संयुक्तले राजधानी हेटौंडा र नाम बाग्मती राख्ने संयुक्त प्रस्ताव पेश गरेपछि निर्णयका लागि मतदान गरिएको थियो। मुख्यमन्त्री डोरमणि पौडेलले राजधानी हेटौंडा राख्ने प्रस्ताव प्रदेशसभामा पेश गरेका थिए भने प्रमुख प्रतिपक्षी नेपाली कांग्रेस संसदीय दलका नेता इन्द्रबहादुर बानियाँले नाम बाग्मती राख्ने प्रस्ताव प्रदेशसभामा पेश गरेका थिए। यसअघि १३ पुसमा बसेको नेकपा सचिवालय बैठकले प्रदेश–३ को नाम बाग्मती र राजधानी हेटौंडा कायम गर्न प्रदेश संसदीय दललाई निर्देशन दिने निर्णय गरेको थियो। केन्द्रको निर्णय अनुरूप नेकपा प्रदेश–३ संसदीय दलको बैठकले त्यसैलाई निर्णय गरेको थियो। सात प्रदेशमध्ये अब प्रदेश १,२ र ५ ले नाम र राजधानी टुंग्गाउन बाँकी छ।