अवैध क्रसर उद्योग बन्द गराउन आठ जिल्लाका सीडीओलाई प्रदेश सरकारको निर्देशन
<p>काठमाडौं। प्रदेश २ सरकारले प्रदेशभरिका अवैध क्रसर उद्योग बन्द गराउन निर्देशन दिएको छ।</p>
<p>नदीमा बालुवा, गिट्टीको अवैध उत्खननको विरोध गरिरहेका धनुषाका दिलिप महतोको हत्या गरिएपछि प्रदेश सरकारले मापदण्ड विपरीत चलाइएका क्रसर उद्योगहरू बन्द गराउन चासो देखाएको हो।</p>
<p>प्रदेश २ सरकारका आन्तरिक मामिला तथा कानूनमन्त्री ज्ञानेन्द्रकुमार यादवले प्रदेशभरका आठ वटै जिल्लाका प्रमुख जिल्ला अधिकारीलाई पत्राचार गरेर अवैध क्रसर उद्योगहरू बन्द गर्ने निर्देशन दिन लागेको देखापढीलाई बताए।</p>
<p> "गैरकानूनी र मापदण्डविपरित सञ्चालित क्रसर उद्योगलाई बन्द गर्न तत्काल काम थाल्ने गरी पत्र पठाउँदै छु", उनले भने।</p>
<p>प्रदेश २ का मूख्य न्यायाधिवक्ता दिपेन्द्र झाले क्रसर उद्योगहरूको नियमनका लागि पर्यटन मन्त्रालयले नयाँ विधेयकको मस्यौदा तयार पारिसकेकोसमेत बताए।</p>
प्रतिक्रिया दिनुहोस्
.jpg)
