इन्भेष्टमेन्ट बैंकले १९ प्रतिशत लाभांश बाँड्ने
<p>काठमाडौं। नेपाल इन्भेष्टमेन्ट बैंक (एनआईबीएल)ले आफ्ना शेयरधनीहरूलाई १९ प्रतिशत लाभांश दिने भएको छ। आफ्नो ३३औं वार्षिक साधारण सभाबाट बैंकले लाभांश दिने प्रस्ताव गरेको हो।</p>
<p>बैंकले लगानीकर्तालाई असार मसान्तसम्म कायम शेयर पुँजीको १० दशमलव पाँच प्रतिशत बोनस शेयर र आठ दशमलव पाँच प्रतिशत नगद लाभांश दिने प्रस्ताव पारित गरेको छ।</p>
<p>बोनस शेयर वितरणपछि बैंकको चुक्ता पुँजी १४ अर्ब २२ करोड रूपैयाँ पुग्छ। यस्तै बैंकले आर्थिक वर्ष २०७५/७६ मा चार अर्ब १३ करोड रूपैयाँ सञ्चालन मुनाफा कमाएको छ।</p>
<p>त्यसैगरी बैंकको खुदनाफा तीन अर्ब ३२ करोड करोड पुगेको छ भने निक्षेप आठ दशमलव ४५ प्रतिशतले बढेर एक अर्ब ५२ करोड रूपैयाँ पुगेको छ। पाँच दशमलव २३ प्रतिशतले कर्जा विस्तार गर्दै एक खर्ब २७ अर्ब पुगेको छ।</p>
<p>हाल बैंकको शाखा कार्यालय ८२ वटा पुगेको छ भने १६ वटा एक्सटेन्सन काउन्टर, १० वटा राजश्व संकलन एक्सटेन्सन काउन्टर तथा ५७ ओटा शाखारहित बैंकिङ सेवा सञ्चालन गर्दै आएको छ।</p>
प्रतिक्रिया दिनुहोस्
.jpg)
