भाटभटेनी सुपर मार्केटसहित चार कम्पनीले नक्कली भ्याट बिल प्रयोग गरेको सर्वोच्चको ठहर
<p>काठमाडौं। सर्वोच्च अदालतले भाटभटेनी सुपर मार्केट एण्ड डिपार्टमेन्टल स्टोर लगायत चारवटा कम्पनीले नक्कली भ्याट बिल प्रयोग गरेको ठहर गरेको छ।</p>
<p>प्रधानन्यायाधीश चोलेन्द्रशमशेर जबरा र न्यायाधीश प्रकाशकुमार ढुंगानाको इजलासले भाटभटेनीसहित शंकर अक्सिजन ग्यास प्रालि, अरुण इन्टरकन्टिनेन्टल ट्रेडर्स र एआईटी प्रालिले नक्कली भ्याट बिल प्रयोग गरी राजस्व छली गरेको ठहर गरेको हो।</p>
<p>यसअघि राजस्व न्यायाधीकरणले यी कम्पनीले नक्कली भ्याट बिल प्रयोग गरी राजस्व छली गरेको फैसला गरेको थियो।</p>
<p>उक्त फैसलामा चित्त नबुझाएर ती कम्पनीले सर्वोच्च अदालतमा पुनरावेदन गरेका थिए।</p>
<p>अघिल्लो सातादेखि अन्तिम सुनुवाइ थालेको सर्वोच्च अदालतले आज यी कम्पनीले राजस्व छली गरेको राजस्व न्यायाधीकरणको ठहरलाई सदर गरेको हो। </p>
प्रतिक्रिया दिनुहोस्
.jpg)
