कर्णालीमा एक सातामा ३९ लाखको सखरखण्ड भित्रियो
<p>सुर्खेत । माघे संक्रान्ति (माघी) मा कर्णाली प्रदेशमा एक सातामा ३९ लाख रुपैयाँको सखरखण्ड (गञ्जी) आयात भएको छ।</p>
<p>छिमेकी देश भारतबाट प्रति किलोग्राम ४५ देखि ५५ रूपैयाँका दरले ७७५ क्विण्टल सखरखण्ड भित्रिएको हो।</p>
<p>उक्त सखरखण्ड रत्न राजमार्ग भएर सुर्खेत भित्रिएको हो। आन्तरिक उत्पादनले नभ्याएपछि भारतबाट सखरखण्ड भित्रिएको कृषि बजार व्यवस्थापन समिति सुर्खेतका अध्यक्ष प्रवल शाहीले बताए।</p>
<p>कृषि विकास निर्देशनालय सुर्खेतका बाली विकास अधिकृत याम रानाका अनुसार कर्णालीमा व्यवसायिक सखरखण्ड खेती छैन। </p>
<p>“वर्षमा माघी तिहारमा मात्रै प्रयोग हुने सखरखण्डकै उत्पादन न्यून भएपछि हामीले मागलाई हेरेर छिमेकी देश भारतबाट आयात गर्न बाध्य भएका हौं”, कृषि बजार व्यवस्थापन समिति सुर्खेतका अध्यक्ष प्रवल शाहीले भने</p>
<p>कर्णालीका सुर्खेत, दैलेख, जुम्ला, कालीकोट, जाजरकोटलगायतका जिल्लाहरूमा सखरखण्ड आयात भएको हो।</p>
<p>कर्णालीको बजारलाई लक्षित गरेर भारतबाट आयात हुने तरुलको परिमाणमा भने कमी आएको छ।</p>
<p>वीरेन्द्रनगरको कृषि बजारमा रहेका फलफूल तथा तरकारी पसलहरुले सुर्खेतको ३० क्विण्टल आन्तरिक उत्पादन र ४५ क्विण्टल तरुल चितवनको बजारबाट ल्याएर स्थानीय माग पूर्ति गरेको जनाएका छन्।</p>
<p> </p>
प्रतिक्रिया दिनुहोस्
.jpg)
