आजदेखि दशैं सुरु, घटस्थापनाको साइत १०:३५ बजे
<p>काठमाडौं। नेपालीको महान चाड दशैं आजबाट सुरु भएको छ । प्रत्येक वर्ष आश्‍विन शुक्ल प्रतिपदादेखि पूर्णिमासम्म दशैं मनाइन्छ।</p>
<p>बडा दशैंको पहिलो दिन आज घरघरमा घटस्थापना गरी दियो, कलश र गणेश स्थापना गरेर वैदिक विधिपूर्वक शक्तिकी देवी दुर्गाको पूजा आरम्भ गरिन्छ। आजबाट नवरात्र सुरु भएको मानिन्छ। </p>
<p>आज विहानै नुहाएर नजिकको नदी वा चोखो स्थलबाट माटो ल्याई गाईको गोबरले लिपपोत गरिएको पूजाकोठा अथवा दशैं घरमा विधिपूर्पक राखेर त्यसमाथि जौ रोपिन्छ । यसलाई जमरा राख्‍ने भनिन्छ ।</p>
<p>आज जमरा राख्ने साइत विहान १० बजेर ३५ मिनेटमा रहेको छ। </p>
<p>विजयादशमीको दिन टीका प्रसादसँगै समृद्धीको प्रतीक पहेँलो जमरा ग्रहण गरिन्छ।</p>
<p>यसपाली दशैंको टीका २१ असोजमा परेको छ । विजयादशमीका दिन बिहान ८ः४५ बजे देवी विसर्जन गरेपछि टिकाको शुभ साइत १०ः३५ मा रहेको छ ।</p>
<p> </p>
प्रतिक्रिया दिनुहोस्
.jpg)
