ज्ञानेन्द्र शाहीमाथि गाडीभित्रै आक्रमण
<p>काठमाडौं। सामाजिक सञ्जालमा विभिन्न अभियान चलाएर चर्चामा आएका नेपालका लागि नेपाली अभियानका ज्ञानेन्द्र शाहीमाथि चितवनमा गाडीभीत्रै आक्रमण भएको छ।</p>
<p>भरतपुरको चौबिसकोठीमा ११ असोज दिउँसो अज्ञात समूहको आक्रमणबाट शाही घाइते भएको प्रहरीले जनाएको छ। </p>
<p>चौबिसकोठीस्थित होटल ग्लोबल नजिक गाडीभित्र उनीमाथि आक्रमण भएको हो। शाही चढेको माइक्रोबसमा पनि क्षति पुगेको प्रहरीले जनाएको छ। शाहीको खुट्टा तथा शरीरका विभिन्न भागमा चोट लागेको छ। </p>
<p>चौबिसकोठीमा नेपालका लागि नेपाली अभियानले कार्यक्रम आयोजना गरेको थियो। होटलबाट कार्यक्रम स्थलतर्फ जान गाडी चढेपछि उनीमाथि आक्रमण भएको हो।</p>
<p>चितवन प्रहरी प्रमुख दानबहादुर मल्लले शाही आउनेबारे सोध्दा पनि थाहा नदिएको बताए।</p>
<p>केहीदिन अघि पर्यटनमन्त्री योगेश भट्टराईका कारण जहाज ढिला उडेको भन्दै उनीमाथी अभद्र व्यवहार भएपछि शाहीको चर्को विरोध भएको थियो।</p>
<p>शाहीमाथि आक्रमण गरेको आरोपमा प्रहरीले एक जनालाइ पक्राउ गरेको छ। यो समाचार आजको अन्नपूर्ण पोस्टमा प्रकाशित छ।</p>
प्रतिक्रिया दिनुहोस्
.jpg)
