सभामुख चयन प्रक्रिया भोलिबाटै शुरू हुन्छ: नेकपा प्रवक्ता
<p>काठमाडौं। नेपाल कम्युनिष्‍ट पार्टी (नेकपा) का प्रवक्ता नारायणकाजी श्रेष्‍ठले भोलिबाटै सभामुख चयन प्रक्रिया शुरू हुने बताएका छन्।</p>
<p>बागलुङमा केही बेरअघि पत्रकारसँग कुरा गर्दै श्रेष्‍ठले प्रतिनिधि सभाको बैठक शुरू हुनुअघि नै शिवमाया तुम्बाहाङफेले उपसभामुखबाट राजीनामा दिने बताए।</p>
<p>नेकपाको तर्फबाट सभामुख कसलाई बनाउने भन्‍ने टुंगो नलागेकाले सभामुख चयनको प्रमुख कार्यसूची रहेको यसअघिको प्रतिनिधिसभा बैठक स्थगित हुँदै आएको छ।</p>
<p>६ माघ दिउँसो १ बजेको लागि बैठक पुन: तय गरिएको छ।</p>
<p>"यो बैठक अब सूचना टाँसेर स्थगित हुने छैन भन्‍नेमा म विश्‍वस्त छु", नेता श्रेष्‍ठले भने, "नेकपाले सभामुख पद पाउन उपसभामुखले संविधानको मर्म अनुसार राजीनामा दिनुहुनेछ।"</p>
<p>अमेरिकी सहयोगसम्बन्धी प्रस्ताव मिलेनियम च्यालेन्ज कर्पोरेसन (एमसीसी) राष्‍ट्रिय हितलाई केन्द्रमा राखेर स्वीकार्नुपर्ने श्रेष्‍ठले बताए।</p>
<p>एमसीसीका बारेमा चलिरहेको बहसलाई सकारात्मक रुपमा लिनुपर्ने भन्दै उनले भने, "पार्टी सचिवालयमा राष्ट्रिय हितलाई केन्द्रमा राखेर र आजको यथार्थालाई पनि ध्यान दिएर एमसीसीबारे आवश्यक निर्णय हुनेछ।"</p>
प्रतिक्रिया दिनुहोस्
.jpg)
