सभामुखको उम्मेद्वार टुंग्याउन नेकपाको सचिवालय बैठक जारी
<p>काठमाडौं। सभामुखको उम्मेद्‌वार टुंगो लगाउन नेपाल कम्युनिष्ट पार्टी (नेकपा)को सचिवालय बैठक बसिरहेको छ। </p>
<p>प्रधानमन्त्री निवास बालुवाटारमा जारी बैठकमा प्रतिनिधि सभाको सभामुखको उम्मेद्‌वार टुंग्याउनेगरी निर्णायक छलफल भइरहेको स्रोतले जनाएको छ।</p>
<p>आजै बिहान मात्र बालुवाटारमा प्रधानमन्त्री तथा नेकपा अध्यक्ष केपी शर्मा ओली र नेकपाका अर्का अध्यक्ष पुष्पकमल दाहालबीच सभामुखका विषयमा सहमति भएको थियो। </p>
<p>नेकपा नेता अग्नि सापकोटालाई सभामुख बनाउने विषयमा दुई अध्यक्ष सहमत भएको भनिएको थियो। अध्यक्षद्वयबीच भएको सहमतिका आधारमा सचिवालय बैठकले सभामुखको उम्मेद्‌वार टुंगो लगाउने नेकपाको तयारी छ। </p>
<p>तत्कालीन सभामुख कृष्णबहादुर महरा बलात्कार प्रयासको आरोपमा जेल परेपछि प्रतिनिधि सभा सभामुखविहीन छ। </p>
<p>सभामुख चयनको प्रक्रिया अघि बढाउने गरी भोलि, ६ माघमा संसद बैठक बोलाइएको छ। सभामुखमा सहमति नहुँदा प्रतिनिधि सभाको बैठक यसअघि तीनपटक सरेको थियो। </p>
प्रतिक्रिया दिनुहोस्
.jpg)
