अग्नि सापकोटालाई सभामुखकाे उम्मेद्वार बनाउने नेकपा सचिवालयकाे निर्णय
<p>काठमाडौं। नेपाल कम्युनिष्ट पार्टी (नेकपा)को सचिवालय बैठकले प्रतिनिधि सभाको सभामुखमा अग्नि सापकोटालाई उम्मेद्‍वार बनाउने निर्णय गरेकाे छ।</p>
<p>प्रधानमन्त्री निवास बालुवाटारमा भएकाे बैठकले सापकोटालाई उम्मेदवार बनाउने निर्णय गरेकाे हाे।</p>
<p>आजै बिहान मात्र बालुवाटारमा प्रधानमन्त्री तथा नेकपा अध्यक्ष केपी शर्मा ओली र नेकपाका अर्का अध्यक्ष पुष्पकमल दाहालबीच सभामुखका विषयमा सहमति भएको थियो।</p>
<p>तत्कालीन सभामुख कृष्णबहादुर महरा बलात्कार प्रयासको आरोपमा जेल परेपछि प्रतिनिधि सभा सभामुखविहीन छ।</p>
<p>सभामुख चयनको प्रक्रिया अघि बढाउने गरी भोलि, ६ माघमा संसद बैठक बोलाइएको छ। सभामुखमा सहमति नहुँदा प्रतिनिधि सभाको बैठक यसअघि तीनपटक सरेको थियो।</p>
प्रतिक्रिया दिनुहोस्
.jpg)
