मुख्यमन्त्री राईको मन्त्रीहरूलाई निर्देशन– ‘आत्तिने, मात्तिने र अयोग्य हुने छुट छैन’
<p>विराटनगर। प्रदेश १ का मुख्यमन्त्री शेरधन राईले जनतामाझ नतिजा देखिने गरी काम गर्न मन्त्रीहरूलाई निर्देशन दिएका छन्।</p>
<p>उनले मन्त्रीसहित नयाँ नियुक्त भएका राज्यमन्त्रीहरूलाई प्रदेशको विकास र समृद्धिको चाहनालाई केन्द्रमा राखेर काम गर्न निर्देशन दिए।</p>
<p>विवादास्पद निर्णय गर्नबाट सचेत रहन भन्दै मुख्यमन्त्री राईले ‘आत्तिने, मात्तिने र अयोग्य’ हुने छुट नभएको बताए।</p>
<p>आफूले भ्रष्टाचारमा शून्य सहनशिलताको नीति अख्तियार गरेको भन्दै कामलाई छिटो, छरितो र पारदर्शी ढंगले अगाडि बढाउन राईको निर्देशन छ।</p>
<p>‘महत्वपूर्ण जिम्मेवारी प्राप्त गरेसँगै तपाईहरूको अग्निपरीक्षा शुरू भयो, यो ऐतिहासिक कार्यभार सफल रूपमा वहन गर्नुहोला’, मुख्यमन्त्री राईले मन्त्रीहरूलाई भने।</p>
<p>दुई दिनभित्र स्पष्ट कार्यविभाजन गरेर काम थाल्न राईले निर्देशन दिएका छन्। </p>
<p>३ फागुन २०७४ मा पहिलोपटक पाँच सदस्यीय मन्त्रिपरिषद् गठन गरेका मुख्यमन्त्री राईले दुई वर्ष पुग्न लाग्दा ५ माघमा चारजना राज्यमन्त्री थप गरेका छन्।</p>
प्रतिक्रिया दिनुहोस्
.jpg)
