Others

गृहपृष्ठ

उद्योगमन्त्रीको दाबी- व्यापारिक नाका सुधारिएका छन् काठमाडौं। उद्योग, वाणिज्य तथा आपूर्तिमन्त्री लेखराज भट्टले व्यापारिक नाकाहरू विगतको भन्दा सुधारिएको बताएका छन्। नेपाल इन्टरमोडल यातायात विकास समितिको २३औं वार्षिकोत्सवलाई सम्बोधन गर्दै मन्त्री भट्टले मन्त्रालय निरन्तर विकासको क्रममा लागेकाले व्यापारिक नाकामा सुधार आएको दाबी गरे।  उनले पूर्वाधारको अवस्था समेत विगतको जस्तो नभएको बताए।  कार्यक्रममा उद्योग, वाणिज्य तथा आपूर्ति राज्यमन्त्री मोतिलाल दुगडले पूर्वाधार बनाउने विषयमा स्थानीयको विरोध कायमै आइरहेको बताए। “मुआब्जाको लोभमा परेर स्थानीयले देशका विभिन्न स्थानमा बन्दै गरेको विकासका संरचनामा अवरोध पुर्&zwj;याइँदै आएको छ”, दुगडले भने।  वाणिज्य सचिव वैकुण्ठ अर्यालले पनि नेपालले तेस्रो मुलुकसँगको व्यापारमा प्रयोग हुने नाकाको अवस्था सुधार गर्दै आएको बताए। भारतको आन्तरिक जलमार्गको पहुँचको विषयमा बोल्दै उनले चीनतर्फ पनि बन्दरगाह प्रयोग गर्न पाउने सहमती भएको बताए। इन्टरमोडल वैदेशिक व्यापारमा प्रयोग हुने सुख्खा बन्दरगाह निर्माण गर्न सहजीकरण, विकास व्यवास्थापन र सञ्चालनमा यस समितिले महत्वपूर्ण भुमिका खेल्दै आएको सरकारी समिति हो।  पारवहन र लजिष्टिक खर्च तथा समय न्यूनिकरण गर्न समितिले मुख्य भूमिका खेल्दै आएको छ।