धनुषा–जयनगर रेलमार्गको रेल उपकरण १० दिनपछि भारतबाट हिँड्ने
<p style="text-align:justify">काठमाडौं। धनुषाको कुर्थादेखि भारतको जयनगरसम्म सञ्चालनका लागि ल्याउन लागिएको रेल सेट १० दिनपछि भारतबाट हिँड्ने भएको छ।</p>
<p style="text-align:justify">भारतबाट हिँडेको झण्डै १० दिनमा सो रेल सेट नेपाल आइपुग्ने रेल विभागले जनाएको छ।</p>
<p style="text-align:justify">धनुषमा आइपुग्नासाथ रेल सञ्चालनको तयारी अघि बढ्ने विभागका महानिर्देशक बलराम मिश्रले बताए।</p>
<p style="text-align:justify">उनका अनुसार फागुनसम्ममा रेल सञ्चालन गरिनेछ।</p>
<p style="text-align:justify">दुईवटा सेट खरीद गर्न लागिएकामा पहिलो सेट आइपुगेको केही समयपछि अर्काे आइपुग्ने मिश्रको भनाइ छ। उनले भने, “सेट आउनेबित्तिकै सञ्चालनको तयारी हुनेछ।”</p>
<p style="text-align:justify">सरकारले अहिले दुई वटा सेट खरीद गर्दा त्यसमा जम्मा १० डिब्बा रहन्छन्।</p>
<p style="text-align:justify">यी दुई सेटको क्षमता एक हजार २०० जनासम्म यात्रु बोक्ने रहेको छ।</p>
<p style="text-align:justify">जयनगर–कुर्थासम्म ३५ किलोमिटर लम्बाइको यो रेलमार्गका रेल लाइन तथा रेल्वे स्टेशनलगायतका भौतिक पूर्वाधार तयार भइसकेको छ।</p>
<p style="text-align:justify">यसमा कुर्थाबाट विजलपुरा खण्ड १७ किलोमिटरसमेत गरेर ५२ किलोमिटर आगामी फागुनसम्म सम्पन्न हुने र त्यहाँसम्म रेल विस्तार हुनेछ। <em>रासस</em></p>
<p style="text-align:justify"> </p>
.jpg)
