देउवाको कारण सभामुखमा उम्मेद्वारी नपरेको पौडेल पक्षको आरोप
<p>काठमाडौं। सभामुख पदमा उम्मेद्वार नदिने संसदीय दलको निर्णयप्रति कांग्रेसका वरिष्ठ नेता रामचनद्र पौडेल समूहले असन्तुष्टि जनाएको छ।</p>
<p>असन्तुष्ट नेताहरूले पार्टीबाट उम्मेद्‍वारी नपर्नुका पछि सभापति शेरबहादुर देउवाको सत्तारुढ दलसँग संवैधानिक निकायहरूमा भइरहेको ‘बार्गेनिङ’ लाई मुख्य कारण मानेका छन्।</p>
<p>उम्मेद्‍वार दिने की नदिने भन्ने निर्णय लिनुअघि वरिष्ठ नेता पौडेल नेकपा अध्यक्ष पुष्पकमल दाहालसँग छलफल गर्न उनकै निवास खुमलटार पुगेका थिए।</p>
<p>करीब एक घण्टा भएको कुराकानीको क्रममा पौडेलले उपसभामुखमा प्रतिपक्षलाई सहयोग गरेर सहमति र सहकार्यका साथ अघि बढ्न आग्रह गरेका थिए। तर, दाहालबाट सकारात्मक जवाफ आएन।</p>
<p>खुमलटारबाट बाहिरिनासाथ पौडेललाई सभापति देउवाको फोन आएको थियो।</p>
<p>उपसभामुख प्रतिपक्षलाई दिन नेकपा सकारात्मक नभएको सन्देशसहित पौडेलले सभामुखकै उम्मेद्‍वारी दिनुपर्ने आफ्नो निष्कर्ष सुनाएका थिए।</p>
<p>देउवा भने संसदीय दलको बैठकअघि नै उम्मेद्‍वार नबनाउने निष्कर्षमा पुगेको आजको कान्तिपुरमा समाचार छ।</p>
<p>कांग्रेस संसदीय दलको बैठकले सभामुखमा उम्मेद्‍वारी नदिनुमा दुईवटा कारण उल्लेख गरेको छ।</p>
<p>पहिलो सत्तारुढ दलसँग यथेष्ट बहुमत छ। दोस्रो सभामुख तटस्थ रहनुपर्ने पद हो।</p>
प्रतिक्रिया दिनुहोस्
.jpg)
