Others

गृहपृष्ठ

पेस्तोल र लागुऔषधसहित २ जना पक्राउ धरान । सुनसरीको सीमा क्षेत्रबाट पेस्तोल र लागु औषधसहित दुई जनालाई प्रहरीले पक्राउ गरेको छ।   आज विहान पक्राउ परेकाहरु मोरङको सुन्दरहरैचा नगरपालिका-५ मगर टोलका २७ वर्षिय करण कुमार चौधरी र २१ वर्षिय प्रकाश चौधरी रहेको ईलाका प्रहरी कार्यालय दुहबीका सूचना अधिकारी विनोद शर्माले बताए। भारतबाट नेपालतर्फ आउँदै गर्दा बर्जु गाउँपालिका- ३ अमडुवाबाट उनीहरुलाई पक्राउ गरिएको हो। उनीहरुमाथि शंका लागेर प्लाष्टिकको झोला खानतलासी गर्दा मेड ईन यूएस लेखिएको पेस्तोल एक थान, त्यसको २ वटा म्याग्जिन र ३ राउण्ड गोली फेला पारेको प्रहरीले बताएको छ।   त्यस्तै लागुऔषध फेनार्गन ३५ एम्पुल, लुपिजेसिक ३५ एम्पुल, एभिल ३५ एम्पुल,  डाईजोल्याप ३५ एम्पुल र  सिरिन्ज एक थान वरामद गरिएको छ।   उनीहरु दुवै जनालाई ईलाका प्रहरी कार्यालय दुहवीमा राखेर अनुसन्धान सुरु गरिएको छ।