राष्ट्रिय सभा निर्वाचनः गण्डकी प्रदेशमा नेकपालाई राप्रपाको समर्थन
<p>काठमाडौं। भोलि, ९ माघमा हुने राष्ट्रिय सभा निर्वाचन अन्तर्गत गण्डकी प्रदेशमा राष्ट्रिय प्रजातन्त्र पार्टीले सत्तारूढ नेकपाका उम्मेद्‌वारलाई मतदान गर्ने भएको छ।</p>
<p>दुई पार्टीका नेताहरूबीच आज भएको सहमति अनुसार राप्रपाका तर्फबाट निर्वाचित स्थानीय तहका प्रतिनिधिले नेकपा उम्मेद्‌वार नारायणकाजी श्रेष्ठ र भगवती न्यौपानेलाई मतदान गर्नेछन्।</p>
<p>प्रदेश सभामा राप्रपाको प्रतिनिधित्व छैन। </p>
<p>राप्रपाका सहायक प्रवक्ता मोहन श्रेष्ठका अनुसार गण्डकीमा राप्रपाका दुई मतदाता छन्। </p>
<p>उनका अनुसार बाग्लुङको बाग्लुङ नगरपालिका उपप्रमुख र म्याग्दीको बेनी नगरपालिकामा उपप्रमुख राप्रपाबाट निर्वाचित प्रतिनिधि हुन्।</p>
<p>राष्ट्रिय सभामा प्रदेश सभा सदस्य र स्थानीय तहका प्रमुख/उपप्रमुख मतदाता हुने व्यवस्था छ। </p>
<p>प्रदेश-२ मा नेकपा र राजपाबीच सहकार्य छ।</p>
<p><br />
</p>
प्रतिक्रिया दिनुहोस्
.jpg)
