कोरोना भाइरसको संक्रमण रोक्न चीनको वुहानमा सार्वजनिक यातायात बन्द
<p>काठमाडौं। श्‍वासप्रश्‍वासको समस्या उत्पन्‍न गराउने कोरोना भाइरसको संक्रमण फैलिन नदिन चीनको वुहान शहरमा सार्वजनिक यातायात बन्द गराइएको छ।</p>
<p>कोरोनाभाइरसको संक्रमणबाट अहिलेसम्म १७ जनाको मृत्यु भइसकेको बताइएको छ।</p>
<p>बीबीसीका अनुसार कोरोना भाइरसको सङ्क्रमण वुहान शहरबाट अन्यत्र फैलिइसकेको छ।</p>
<p>५०० जनाभन्दा बढी मानिसहरू प्रभावित भइसकेका छन्।</p>
<p>कोरोना भाइरसको पछिल्लो संक्रमम वुहान शहरको एक बजारमा जनावरबाट शुरू भएको हो।</p>
<p>विश्व स्वास्थ्य संगठन (डब्लूएचओ) का महानिर्देशक टेड्रोस एड्हनोम गुब्रोहयसोसले चिनियाँ कदमको स्वागत गरेका छन्।</p>
<p>नजिकिएको चिनियाँ नयाँ वर्ष घुमघाम गरेर मनाउने भएकोले प्रभावित क्षेत्रमा मानिस घुम्‍न निस्कँदा संक्रमण थप फैलने खतरा भएपछि सरकारले सार्वजनिक यातायात बन्द गर्दै घरबाट ननिस्कन नागरिकलाई अपिल गरेको हो।</p>
<p> </p>
प्रतिक्रिया दिनुहोस्
.jpg)
