राष्ट्रिय सभा सदस्य निर्वाचन: सुदूरपश्चिममा मतदान जारी
<p>कैलाली। राष्ट्रिय सभाका सदस्य चयनका लागि डोटीको सिलगढीमा मतदान जारी छ।</p>
<p>सिलगढीस्थित पद्म पब्लिक मुक्ति नारायण माविमा बिहान १० बजे शुरु भएको हो।</p>
<p>बाजुराको स्वामीकार्तिक गाउँपालिकाकी उपाध्यक्ष मिना बुढाले पहीलो मतदान गरेर मतदान प्रक्रिया शुरु गरिन्।</p>
<p>राष्ट्रिय सभाको दुई सीटमा सुदूरपश्चिममा चारजना उम्मेदवार छन् ।</p>
<p>जसमा नेकपाबाट तारामान स्वाँर र शारदा भट्ट तथा नेपाली कांग्रेसबाट प्रतापसिंह ठगुन्ना र तुलसी देवकोटा उम्मेदवार रहेका छन्।</p>
<p>सुदूरपश्चिमका ८८ स्थानीय तहका १७६ जना प्रमुख/उपप्रमुख र प्रदेश सभामा ५३ गरी २२९ जना मतदाता छन् ।</p>
<p>मुख्य निर्वाचनअधिकृत बिदुर काफ्लेले आज अपरान्ह चार बजे मतदान सकिएसँगै सम्भवत: आजै मत परिणाम आउने बताए।</p>
प्रतिक्रिया दिनुहोस्
.jpg)
