कर्णाली प्रदेशमा नेकपाका उम्मेद्वार विजयी
<p>सुर्खेत।। राष्ट्रिय सभा निर्वाचनअन्तर्गत कर्णाली प्रदेशमा नेकपाका उम्मेद्‌वार विजयी भएका छन्।</p>
<p>दुई पदका लागि भएको निर्वाचनमा दुबै पदमा नै नेकपाका उम्मेद्‌वार विजयी भएका हुन्। </p>
<p>निर्वाचन अधिकृतको कार्यालय अनुसार नेकपाका मायाप्रसाद शर्मा र सुमित्रा बिसी निर्वाचित भए। </p>
<p>शर्माले तीन हजार ६४८ र बिसीले तीन हजार ६८४ मत प्राप्त गरेका निर्वाचन अधिकृतको कार्यालयले जनाएको छ। १९८ जना मतदाता रहेको कर्णालीमा १९५ मत खसेको थियो। दुई मत बदर भएको थियो। </p>
<p>कर्णालीमा प्रदेश सभा सदस्य ४० र स्थानीय तहका प्रमुख/उपप्रमुख १५८ छन्। </p>
<p>प्रदेश सभा सदस्यको एक मत बराबर ४८ मतभार र स्थानीय तहका प्रमुख/उपप्रमुखको एक मत बराबर १८ मतभार हुने व्यवस्था छ।</p>
<p>शर्माले कांग्रेस उम्मेद्‌वार डिल्लीराज पाठक र बिसीले गणेशकुमारी बस्नेतलाई पराजित गरेका हुन्। </p>
<p>पाठक र बस्नेतले समान एक हजार २६ मत प्राप्त गरेका थिए।</p>
<p><br />
</p>
प्रतिक्रिया दिनुहोस्
.jpg)
